અંલકૃતા શ્રીવાસ્તવની ફિલ્મ Lipstick Under My Burkha ને સર્ટિફિકેટ આપવામાં નથી આવ્યું. જેના કારણે બોલિવુડ સેન્સર બોર્ડના ચેરપર્સન પહલાજ નિહલાનીથી નારાજ હોય એવું લાગી રહ્યું છે.
એક ખાનગી ન્યૂઝ પોર્ટલ સાથે વાતચીત દરમિયાન ડિરેકટર કબીર ખાને કહ્યું, ઓહ ગોડ! ફરીથી નહિ. હવે આ મજાક બનતું જઈ રહ્યું છે. સેન્સર બોર્ડની દરેક બે મહિને આવું કંઈ કરવાની આદત બની ગઈ છે.
હવે સમય આવી ગયો છે કે, ફિલ્મ ઇન્ડસ્ટ્રી એકજૂટ થઈને તેનો વિરોધ કરે.
કબીર ખાને કહ્યું કે, પહલાજ નિહલાની આ નિર્ણય નહિ લઇ શકે કે લોકોને શું જોવું અને શું ના જોવું.
આ કેસ પર નિર્માતા-નિર્દેશક વિશાલ ભારદ્વાજે કહ્યું કે, મેં હજુ સુધી આ વિશે સાંભળ્યું નથી. પરંતુ જો આવું છે તો અમે કોર્ટ જઈશું.
ફિલ્મ મેકર શ્યામ બેનેગલે કહ્યું કે, સેન્સર બોર્ડે ફિલ્મને સર્ટિફાઈ કરવું જોઈએ, ના કે સેંસર. હું ફિલ્મોની સેન્સરશિપની વિરુધ્ધ છુ.
કડક નિયમોને કારણે સેન્સર બોર્ડ ચર્ચામાં :
ઉલ્લેખનીય છે કે, કડક નિયમોને કારણે સેન્સર બોર્ડ વારંવાર ચર્ચામાં રહે છે.
આ વખતે પણ સેન્સર બોર્ડે ફિલ્મ 'લિપસ્ટિક અંડર માય બુરખા' માં અમુક દ્રશ્યો કટ કરવાના આદેશ આપ્યા છે.
અંલકૃતા શ્રીવાસ્તવની અપકમિંગ ફિલ્મ લિપસ્ટિક અંડર માય બુરખાને સેન્સર બોર્ડે ભારતમાં રિલીઝ કરવા પર પ્રતિબંધ મૂકયો છે.
સેન્સર બોર્ડે ફિલ્મને રિલીઝ ન કરવાનું કારણ આપતાં જણાવ્યું હતું કે ફિલ્મ વધુ પડતી નારી વિષયક છે. આ સિવાય ફિલ્મમાં અભદ્ર શબ્દો પણ છે.
પહલાજ નિહલાનીએ જણાવ્યું કે, આ ફિલ્મ બોર્ડ સર્ટિફિકેશનની માર્ગદર્શિકાના નિયમો વિરુધ્ધ છે.
ફિલ્મને સર્ટિફિકેટ ન આપવાનો નિર્ણય સર્વાનુમતે લેવાયો છે.
સેન્સર બોર્ડના આ નિર્ણય પછી બોલિવુડની ઘણી હસ્તીઓએ નારાજગી વ્યક્ત કરી છે.
ટ્વીટર પર પણ લોકોએ તેનો વિરોધ કર્યો છે.
ભારતના નાના શહેરની સ્ટોરી પર બેઝ 'લિપસ્ટિક અંડર માય બુરખા' માં કોંકણા સેન શર્મા, રત્ના પાઠક શાહ, અહાના કુમરા, પ્લાબિતા બોરઠાકુરની આસપાસ ફરે છે.
જે આઝાદ જીવન જીવવાની ઈચ્છા રાખે છે.
ઉલ્લેખનીય છે કે, ફિલ્મ લિપસ્ટિક અંડર માય બુરખાનું ટ્રેલર રીલીઝ થઇ ગયું છે.
ટ્રેલરમાં ઘણા બોલ્ડ સીન્સ છે.
આ સિવાય ટ્રેલર ઈંટરેસ્ટિંગ પણ છે.
ડિરેકટર અંલકૃતા શ્રીવાસ્તવના ડિરેકશનમાં બનેલ આ ફિલ્મની સ્ટોરી એવી ચાર મહિલાઓની છે.
જે બેવડી જિંદગી જીવે છે.
ફિલ્મ લિપસ્ટિક અંડર માય બુરખા માં કોંકણા સેન શર્મા, રત્ના પાઠક શાહ, અહાના કુમરા, પ્લાબિતા બોરઠાકુર મેઈન રોલમાં છે.
The post ફિલ્મ Lipstick Under My Burkha પર સેન્સર બોર્ડનો વિરોધ, બોલિવુડ થયું એકજૂટ appeared first on Vishva Gujarat.