Sunil Grover અને ચંદન પ્રભાકર સાથે કપિલની બદસલૂકીના ન્યૂઝ આગની જેમ ફેલાઈ રહ્યા છે. કપિલ તેની ગુડવિલ અને ડેમેજને કંટ્રોલ કરવા સતત સોશિયલ મીડિયા પર માફી માંગી રહ્યા છે. કપિલના ફેંસ પણ તેના આ દુર્વ્યવ્હારના કારણે કપિલ પર ગુસ્સે છે. તેવામાં બધા એવી રાહ જોઈ રહ્યા હતા કે આ સમગ્ર ઘટના પર સુનીલ ગ્રોવરની પ્રતિક્રિયા શું છે. અંતે સુનીલ ગ્રોવરનું દર્દ બહાર આવી ગયું અને તેમણે ભાવુક રીતે તેનું દુઃખ વ્યક્ત કર્યું છે.
સુનીલ ગ્રોવરે લખ્યું કે, ભાઈ જી, હાં તમે મને વધારે હર્ટ કર્યું છે. તમારી સાથે કામ કરી હું હંમેશા કંઈક નવું શીખ્યો છુ. હું બસ તમને એક સલાહ આપવા માંગુ છુ કે, તમે જાનવરો સિવાય માણસોની ઈજ્જત કરતા પણ શીખી લો. બધા તમારા જેટલા ટેલેન્ટેડ હોતા નથી અને જો બધા તમારા જેવા ટેલેન્ટેડ હોત તો તમારા ટેલેન્ટની કિંમત કોન સમજશે. જો કોઈ તમને સુધારવાનો પ્રયત્ન કરી રહ્યા છે તો તે વ્યક્તિને ગાળો આપશો નહિ.
સુનીલ ગ્રોવરે લખ્યું કે, તે મહિલાઓ આગળ ખરાબ ભાષાનો પ્રયોગ ના કરો જેને તમારા સ્ટારડમથી કોઈ લેવા-દેવા નથી. તે ફક્ત તમારી સાથે સફર કરી રહી છે. મને તે અનુભવ કરાવવા માટે તમારો આભાર કે, આ શો તમારો છે અને તમારી પાસે પાવર છે કે, તમે ગમે ત્યારે કોઈને પણ શોમાંથી બહાર કરી શકો છો. તમે તમારા ક્ષેત્રમાં બેસ્ટ છો. પરંતુ તમે ભગવાનની જેમ વર્તન ના કરો. તમારું ધ્યાન રાખજો. હું તમારી સફળતા અને ખ્યાતિ માટે પ્રાર્થના કરું છુ.
ઉલ્લેખનીય છે કે, છેલ્લા ઘણા વર્ષોથી પોતાના કોમેડી શોથી લોકોને હસાવનાર કોમેડી કિંગ કપિલ શર્મા એકવાર ફરીથી મુશ્કેલીમાં આવી ગયા છે. પ્રાપ્ત માહિતી મુજબ, 'ધ કપિલ શર્મા શો' માં કામ કરનાર કોમેડિયન સુનીલ ગ્રોવર અને કપિલની વચ્ચે હાથાપાઈ થઇ અને નશામાં ધૂત કપિલ શર્માએ સુનીલ ગ્રોવરને ખરી-ખોટી સંભળાવી હતી.
બંનેની વચ્ચે થયેલ આ વિવાદ પર કપિલ શર્માએ સ્પષ્ટતા કરી હતી. કપિલે એક ફેસબુક પોસ્ટ દ્ધારા તેમની વાત કહી હતી. ત્યારબાદ કપિલ શર્માએ ટ્વીટર પર પણ કોમેડિયન સુનીલ ગ્રોવરની માફી માંગી છે અને કહ્યું કે, પાજી તમે હર્ટ થયા હોઉં તો માફ કરજો. તમે જાણો છો ને હું તમને કેટલો પ્રેમ કરું છુ. આ ઘટનાથી હું પણ દુખી છુ.
The post છલકયું Sunil Grover નું દર્દ, ભાવુક શબ્દોમાં આપ્યો કપિલના થપ્પડનો જવાબ appeared first on Vishva Gujarat.