'Baahubali' ના મેકર્સ અત્યારે તેમની અપકમિંગ ફિલ્મને લઈને વધારે ચિંતિત છે અને આ જ કારણ છે કે, ફિલ્મના કન્ટેન્ટને સુરક્ષિત રાખવા માટે મેકર્સ વધારે સાવધાની રાખી રહ્યા છે. ડિરેક્ટર રાજામૌલી આ વાત પર ખાસ ધ્યાન આપી રહ્યા છે કે, એડીટિંગ સમયે એડિટ ટીમ સિવાય તે જગ્યા પર કોઈ બીજું ના હોય. એટલું જ નહિ, એડિટ ટીમ પર સીસીટીવી દ્ધારા પર પણ ખાસ નજર રાખવામાં આવી રહી છે અને ઓફીસથી નીકળતા સમયે એડિટ ટીમની સરખી રીતે તપાસ કરવામાં આવી રહી છે.
ઘણીવાર એવું પણ થાય છે જ્યારે એડીટિંગ માટે તેમને આખો દિવસ ઓફિસમાં રહેવું પડે છે. રાજામૌલી પોતે વ્યક્તિગત સ્તર પર ખાસ ધ્યાન આપી રહ્યા છે કે, જેટલું થઇ શકે તે તેમનો ટાઈમ એડીટિંગ ટીમ સાથે પસાર કરે. આ ફિલ્મની સિક્યોરિટીને લઈને એક્ટર્સ સુધી એવી સૂચના આપવામાં આવી છે કે, તેઓ તેમના પરિજનોને ફિલ્મ સાથે જોડાયેલ કોઈપણ વાત કે માહિતી શેર કરે નહિ.
ઉલ્લેખનીય છે કે, બાહુબલીની અપાર સફળતા પછી લોકોને 'બાહુબલી ૨'ની આતુરતાથી રાહ જોઈ રહ્યા છે. શાનદાર સ્પેશિયલ ઈફેક્ટસની સાથે 'બાહુબલી' અત્યાર સુધીની સૌથી મોંઘી ફિલ્મ છે અને હવે એવી ખબર પણ સામે આવી રહી છે કે, બાહુબલી કરતા બાહુબલી ૨ વધારે રોચક હશે. બાહુબલી ૨ નું ટ્રેલર શાનદાર છે પરંતુ ટ્રેલર જોઈ દર્શકોને હજુ પણ આ પ્રશ્નનો ઉત્તર ના મળ્યો કે, 'કટપ્પાએ બાહુબલીને કેમ માર્યો? ટ્રેલરમાં શ્રેષ્ઠ લોકેશન્સ, વોર સીન્સ અને શાનદાર વિઝ્યુઅલ ઇફેક્ટ્સ બતાવામાં આવ્યા છે.
એવું લાગી રહ્યું છે કે, આ ફિલ્મની સાથે એક નવો રેકોર્ડ બનશે અને તેના માટે ફિલ્મની આખી ટીમ સખત મહેનત કરી છે. ફિલ્મના ડિરેક્ટરે જણાવ્યું કે, 'બાહુબલી ૨' માં નવી ટેકનીકનો શાનદાર પ્રયોગ કરવામાં આવ્યો છે. ફિલ્મમાં કેટલાક એવા પ્રોપ્સ યુઝ કરવામાં આવ્યા છે. જે જોવામાં એકદમ રિયલ લાગે છે. ફિલ્મને જોતા સમયે દર્શકોને ખબર પડશે નહિ કે, સ્ક્રીન પર દેખાતી વસ્તુ રિયલ છે કે નકલી.
The post સુરક્ષાના ઘેરામાં Baahubali, ક્યાંક ખૂલી ના જાય કટપ્પાનું રાઝ! appeared first on Vishva Gujarat.
