બોલિવુડનાં લીડ એક્ટર Prabhas બહુ જલ્દી બોલીવુડમાં પોતાની કારકિર્દીની શરૂઆત કરી શકે છે. પ્રાપ્ત માહિતી મુજબ, કરણ જોહર એક ફિલ્મ બનાવવાની તૈયારી કરી રહ્યા છે. આ ફિલ્મને બાહુબલીનાં ડિરેક્ટર એસ. એસ.રાજમૌલી ડીરેક્ટ કરશે. આ ફિલ્મમાં Prabhas ને બોલિવુડમાં એક્શન-રોમેન્ટિક હીરો તરીકે રજૂ કરવામાં આવશે. છેલ્લા પાંચ વર્ષથી પ્રભાસ ફક્ત બાહુબલી પર ધ્યાન આપી રહ્યા છે. તે દરમિયાન તેમણે બોલિવુડનાં ઘણા મોટા બેનર્સને નાં કહ્યું છે. પરંતુ હવે સમય આવી ગયો છે પ્રભાસ બીજા પ્રોજેક્ટ્સને લઈને વિચારી શકે છે. ખબર છે કે, કરણ રાજામૌલીને સતત પ્રોત્સાહિત કરતા રહ્યા છે કે તે એક હિંદી ફિલ્મ બનાવશે. હવે આ બંને ફિલ્મ મેકર્સ સાથે મળીને પ્રભાસને બોલિવુડમાં લોન્ચ કરવાનું કામ કરી શકે છે.
ઉલ્લેખનીય છે કે, બાહુબલીની અપાર સફળતા પછી લોકોને 'બાહુબલી ૨'ની આતુરતાથી રાહ જોઈ રહ્યા છે. શાનદાર સ્પેશિયલ ઈફેક્ટસની સાથે 'બાહુબલી' અત્યાર સુધીની સૌથી મોંઘી ફિલ્મ છે અને હવે એવી ખબર પણ સામે આવી રહી છે કે, બાહુબલી કરતા બાહુબલી ૨ વધારે રોચક હશે. બાહુબલી ૨ નું ટ્રેલર શાનદાર છે પરંતુ ટ્રેલર જોઈ દર્શકોને હજુ પણ આ પ્રશ્નનો ઉત્તર ના મળ્યો કે, 'કટપ્પાએ બાહુબલીને કેમ માર્યો? ટ્રેલરમાં શ્રેષ્ઠ લોકેશન્સ, વોર સીન્સ અને શાનદાર વિઝ્યુઅલ ઇફેક્ટ્સ બતાવામાં આવ્યા છે.
એવું લાગી રહ્યું છે કે, આ ફિલ્મની સાથે એક નવો રેકોર્ડ બનશે અને તેના માટે ફિલ્મની આખી ટીમ સખત મહેનત કરી છે. ફિલ્મના ડિરેક્ટરે જણાવ્યું કે, 'બાહુબલી ૨' માં નવી ટેકનીકનો શાનદાર પ્રયોગ કરવામાં આવ્યો છે. ફિલ્મમાં કેટલાક એવા પ્રોપ્સ યુઝ કરવામાં આવ્યા છે. જે જોવામાં એકદમ રિયલ લાગે છે. ફિલ્મને જોતા સમયે દર્શકોને ખબર પડશે નહિ કે, સ્ક્રીન પર દેખાતી વસ્તુ રિયલ છે કે નકલી. બાહુબલીનો બીજો ભાગ 'બાહુબલી: ધ કનક્લુજન' ૨૮ એપ્રિલે રીલીઝ થવાનો છે.
The post ‘બાહુબલી’ Prabhas ને બોલિવુડમાં લોન્ચ કરશે કરણ જોહર, જાણો કેવી હશે ફિલ્મ! appeared first on Vishva Gujarat.