શ્રદ્ધા કપૂર અને અર્જુન કપૂરની 'Half Girlfriend' આ અઠવાડિયે રીલિઝ થઇ છે. આ ફિલ્મના નિર્દેશક મોહિત સૂરી અને શ્રદ્ધા કપૂરની પાર્ટનરશીપ એકવાર ફરીથી રંગ લાવી છે. આશિકી 2 અને એક વિલન બાદ Half Girlfriend માં પણ બંને શાનદાર કમબેક કર્યો છે. ફિલ્મ હાફ ગર્લફ્રેન્ડે બોક્સ ઓફિસ પર સારી ઓપનિંગ કરી છે. હાફ ગર્લફ્રેન્ડે પ્રથમ દિવસે બોક્સ ઓફિસ પર શાનદાર ઓપનિંગ કરતા ૧૦.૨૭ કરોડની કમાણી કરી છે જે શ્રદ્ધા કપૂરની છેલ્લી ફિલ્મ 'ઓકે જાનુ' (૪.૮ કરોડ) અને અર્જુન કપૂરની 'કી એન્ડ કા' (૭.૩૦ કરોડ) ની પ્રથમ દિવસની કમાણી કરતા ઘણી વધારે છે. હાફ ગર્લફ્રેન્ડ લગભગ ૨૫૦૦ સિનેમાઘરોમાં રિલીઝ થઇ છે અને હિંદી મીડીયમ સિવાય બાહુબલી-2 જેવી હીટ ફિલ્મની વચ્ચે કલેક્શન કરી રહી છે. ફિલ્મમાં અર્જુન કપૂર અને શ્રદ્ધા કપૂર લીડ રોલમાં છે.
ફિલ્મની સ્ટોરી બિહારના બક્સર જીલ્લાનાં ડુમરાંવ ગામના રહેવાસી માધવ ઝા (અર્જુન કપૂર) ની છે જે દિલ્હી શહેરમાં અભ્યાસ માટે જાય છે અને ત્યાં તેની મુલાકાત અમીર ઘરની યુવતી રિયા સોમાની (શ્રદ્ધા કપૂર) સાથે થાય છે. માધવ અને રિયા બંનેને બાસ્કેટબોલ વધારે પસંદ છે. બાસ્કેટબોલ કોર્ટ પર જ બંનેની મુલાકાત થવા લાગે છે. માધવને અંગ્રેજી આવડતું નથી જેના કારણે તેનો વારંવાર મજાક ઉડાવવામાં આવે છે. માધવનો ફ્રેન્સ શૈલેશ (વિક્રાંત મસ્સી) હંમેશા તેનો સાથ આપે છે. એક દિવસે કંઇક એવું થાય છે, જેના કારણે માધવ અને તેની હાફ ગર્લફ્રેન્ડ રિયાની વચ્ચે બ્રેકઅપ થઇ જાય છે. આ કારણે માધવ તેના ગામડે પરત જતો રહે છે અને રિયા બીજે ક્યાય નીકળી જાય છે. ત્યારબાદ સ્ટોરીમાં ટ્વીસ્ટ અને ટર્ન્સ આવે છે અને એકવાર ફરીથી માધવ અને રિયાની મુલાકાત અલગ પરિસ્થિતિઓમાં થાય છે. ફિલ્મની સ્ટોરી ફરીથી લંડન સુધી પહોચી જાય છે અને તેને અંજામ મળે છે.
The post ‘બાહુબલી 2’ ની આંધીમાં ચમકી ‘Half Girlfriend’, જાણો પ્રથમ દિવસનું બોક્સ ઓફિસ કલેક્શન appeared first on Vishva Gujarat.