ઈરફાન ખાનની તાજેતરમાં રિલીઝ થયેલ ફિલ્મ 'Hindi Medium' ની શરૂઆત ભલે થોડી ધીમી રહી હોય પરંતુ ફિલ્મે બોક્સ ઓફિસ પર પોતાનો જલવો વિખેરવાનું શરુ કરી દીધું છે. વિકેન્ડ પર 'હાફ-ગર્લફ્રેન્ડ' થી અડધો બિઝનેશ કરનારી ફિલ્મ Hindi Medium હવે કડક ટક્કર આપી રહી છે. જો ફિલ્મની અત્યાર સુધીની કમાણીની વાત કરવામાં આવે તો તેણે અત્યાર સુધી બોક્સ ઓફિસ પર ૧૯.૦૧ કરોડનો બિઝનેશ કરી લીધો છે. ફિલ્મે તેના વિકેન્ડ પર ફક્ત ૧૨.૫૬ કરોડનો બિઝનેશ કર્યો હતો અને પ્રથમ સોમવારે 3.૧૫ કરોડની કમાણી કરી હતી. ત્યારબાદ હિંદી મીડિયમે ૩.૩૦ કરોડની કમાણી કરી બધાને ચોંકાવી દીધા છે.
હિંદી મિડીયમ ફિલ્મની સ્ટોરી દિલ્હીના ચાંદની ચોકમાં રહેતા કપડાના વિક્રેતા રાજ બત્રા(ઈરફાન ખાન) ની છે જેણે હિંદી મીડિયમમાંથી અભ્યાસ કર્યો છે અને તેને તૂટી-ફૂટી અંગ્રેજી આવડે છે. તો બીજી તરફ, તેની વાઈફ મીતા (સબા કમર) નું અંગ્રેજી સારું છે અને મીતા ઈચ્છે છે કે, તેની બાળકી પિયા ટોપ ઈંગ્લીશ મીડીયમ સ્કૂલમાં અભ્યાસ કરે. તેના એડમીશન માટે પણ રાજ અને મીતા પૂરતા પ્રયત્ન કરે છે પરંતુ બાળકોના એડમીશન પહેલા માતા-પિતાના ઈન્ટરવ્યું દરમિયાન તેમને ઘણી મુસીબતો સામનો કરવો પડે છે. ત્યારબાદ તેમને ખબર પડે છે કે, ગરીબ કોટામાં પણ તેમના બાળકોનું એડમીશન થઇ શકે છે. ત્યારબાદ બંને ગરીબોના વિસ્તારમાં જઈને રહે છે. જ્યાં તેમની મુલાકાત શ્યામ પ્રકાશ (દીપક ડોબરિયાલ) અને તેમના પરિવાર સાથે થાય છે. હવે શું રાજ અને મીતાની બાળકીનું એડમીશન થઇ શકે છે કે અન્ય મુસીબતનો સામનો કરવો પડે છે તેની ખબર તો ફિલ્મ જોયા પછી ખબર પડશે.
The post હાફ-ગર્લફ્રેન્ડને બોક્સ ઓફિસ પર ટક્કર આપી રહી છે ઈરફાન ખાનની Hindi Medium appeared first on Vishva Gujarat.