Baaghi 2 નો હીરો ટાઈગર શ્રોફ છે, આ એલાન તો બાગી હીટ થયા પછી થઇ ગયું હતું. પરંતુ નિર્માતા સાજિદ નાડિયાદવાલા અને નિર્દેશક અહેમદ ખાનની હિરોઈનની શોધ ઘણા સમયથી ચાલતી હતી અને હવે અંતે સાજીદને તેમની હિરોઈન મળી ગઈ છે જે કોઈ અન્ય નહિ પરંતુ ટાઈગર શ્રોફની ખાસ ફ્રેન્ડ દિશા પટની છે. તમને જણાવી દઈએ કે, ફિલ્મ ‘બાગી’ માં શ્રદ્ધા કપૂરની સાથે ટાઈગર શ્રોફ હીરોના રોલમાં જોવા મળ્યા હતા.
એક ઇન્ટરવ્યૂ દરમિયાન સાજિદ નાડિયાદવાલાએ કોઈની પર્સનલ લાઈફ પર કમેન્ટ નાં કરતા કહ્યું કે, ટાઈગર અને દિશાની કેમેસ્ટ્રી ઘણી સારી છે અને આ જ કારણ છે તેમણે આ બંનેને બાગી ૨ માટે કાસ્ટ કર્યા છે. દિશા અને ટાઈગરનાં અફેરની ચર્ચા ઘણા સમયથી ચાલી રહી છે, બંને ઘણીવાર સાથે જોવા મળ્યા છે. પરંતુ ટાઈગર અને દિશાએ હંમેશા એવું કહ્યું કે, અમે ફક્ત સારા ફ્રેન્ડ છીએ અને હવે આ ફ્રેન્ડ પ્રોફેશનલી ફિલ્મી પડદા પર હીરો-હિરોઈન તરીકે નજર આવશે.
ઉલ્લેખનીય છે કે, ટાઈગર શ્રોફની સુપરહિટ ફિલ્મ 'બાગી' ની સીકવલ બાગી-2નું પોસ્ટર રિલીઝ થઇ ગયું છે. જેના પ્રમાણે ફિલ્મ વર્ષ ૨૦૧૮ માં ૨૭ એપ્રિલનાં દિવસે રિલીઝ કરવામાં આવશે. ફિલ્મના આ પોસ્ટરને જોઈ ખબર પડે છે કે, તેને અહેમદ ખાન ડિરેકટ કરશે અને સાજિદ નડિયાદવાલા તેને પ્રોડ્યુસ કરશે. તેની સાથે ફોકસ સ્ટાર સ્ટુડિયો ટાઈગર શ્રોફની આ ફિલ્મને કો-પ્રોડ્યુસ કરશે.
The post ‘Baaghi 2’ માં આ અભિનેત્રી સાથે રોમાંસ કરતા નજર આવશે ટાઈગર શ્રોફ appeared first on Vishva Gujarat.