ડિરેક્ટર શબ્બીર ખાન અને એક્ટર ટાઈગર શ્રોફની જોડી હિરોપંતી અને બાગી જેવી હીટ ફિલ્મ આપવામાં સફળ થઇ ચૂકી છે. હવે બંને ત્રીજી વાર ફિલ્મ 'Munna Michael' થી મોટા પડદા પર સાથે આવી રહ્યા છે. ફિલ્મમાં નવાજુદ્દીન સિદ્દીકી પણ કોમિક અંદાજમાં નજર આવશે. તો આવો જાણીએ ફિલ્મ Munna Michae ના રિવ્યુ વિશે....
ફિલ્મની સ્ટોરી મુંબઈના મુન્ના(ટાઈગર શ્રોફ) ની છે, જે બાળપણમાં કચરાના ઢગલામાંથી માઈકલ(રોનિત રોય) ને મળ્યો હતો. માઈકલ તે દિવસોમાં બેક ડાંસરના રૂપમાં કામ કરતો હતો પરંતુ ઉંમર થવાના કારણે તેને ગ્રુપમાંથી નીકાળી દેવામાં આવે છે. મુન્નાને પણ ડાંસનો વધારે શોખ હોય છે અને તે તેના સપના પૂર્ણ કરવા માટે દિલ્હી જાય છે. ત્યાં તેની મુલાકાત ગેંગસ્ટર મહિન્દર ફૌજી (નવાજુદ્દીન સિદ્દીકી) સાથે થાય છે. મહિન્દર, ડોલી (નિધિ અગ્રવાલ) ને ઈમ્પ્રેસ કરવા માંગે છે. તેના માટે તે ડાંસ શીખવા મુન્ના પાસે જાય છે અને ત્યારબાદ સ્ટોરીમાં ઘણા ટ્વીસ્ટ આવે છે. તેના માટે તમારે ફિલ્મ જોવી પડશે.
ફિલ્મનું ડિરેક્શન સારું છે અને સ્ટોરીને સારી રીતે રજૂ કરવામાં આવી છે. ફિલ્મની સ્ટોરી વધારે લાંબી છે જે ક્યાંક કંટાળાજનક લાગે છે. ફિલ્મમાં ટાઈગર શ્રોફનું પરફોર્મન્સ સારું છે. ટાઈગરના એક્શન અવતારની સાથે ડાંસ પણ ધમાકેદાર છે. બીજી તરફ, ફિલ્મમાં નવાઝ થોડા અલગ અંદાજમાં નજર આવ્યા છે. ફિલ્મનું મ્યુઝીક ઠીક છે જેમાં કોઈ નવીનતા નથી.
ફિલ્મ જોવી કે નહિ?
જો તમે ટાઈગર શ્રોફના ફેન છો તો આ ફિલ્મ એકવાર જોઈ શકો છો.
The post Movie Review: ડાંસ અને એક્શન ધમાકેદાર, પરંતુ કંટાળાજનક છે ફિલ્મ Munna Michael appeared first on Vishva Gujarat.
