શેફાલી શાહ
જયારે તમે કોઈને મળો અને તેની સાથે જીવવા-મરવાની કસમ લો છો, લગ્ન કરો છો, એક છત નીચે લો છો પણ સમય જતા સંબંધમાં તિરાડ પડવા લાગે છે અને સંબંધમાંથી પ્રેમ ગાયબ થઇ જાય છે. ત્યારે તે જ બે વ્યક્તિ આ સંબંધને પૂર્ણ કરી દેવાનો નિર્ણય કરે છે. પરંતુ, ફરીથી લગ્ન કરતા સમયે ભૂતકાળ ક્યાંકને ક્યાંક મનમાં રહે જ છે. નવા સંબંધ ક્યાંક નિષ્ફળ તો નહીં જાયને તેવો ડર પણ રહે છે. આજે અમે એવા જ કેટલાક ટીવી સેલેબ્સ લઈને આવ્યા છીએ જેમના પહેલા લગ્ન તૂટયા પણ બીજા લગ્નમાં તેમના પાર્ટનર સાથે ઘણા જ ખુશ છે.
ફિલ્મ 'રંગીલા' થી બોલીવુડમાં ડેબ્યુ કરનારી એક્ટ્રેસ શેફાલી શાહે ટીવી એકટર હર્ષ છાયા સાથે વર્ષ ૧૯૯૭ માં લગ્ન કર્યા હતા. તેઓ વર્ષ ૨૦૧૧ સુધી સાથે રહ્યા હતા. પરંતુ તેમના લગ્નનો અંત આવ્યો હતો. આ પછી શેફાલીએ પ્રોડ્યુસર-ડાયરેક્ટર વિપુલ શાહ સાથે લગ્ન કર્યા હતા. આજે શેફાલી અને વિપુલના લગ્ન બોલીવુડના મોસ્ટ સકસેસફૂલ મેરેજમાંથી એક ગણાય છે. તેઓ આજે બે બાળકોના માતા-પિતા છે. શેફાલી છેલ્લે ઝોયા અખ્તરની ફિલ્મ 'દિલ ધડકને દો' માં દેખાઈ હતી.
સમીર સોની
ટીવી એકટર અને મોડેલ સમીર સોનીએ મોડેલ રાજલક્ષ્મી રોય સાથે લગ્ન કર્યા હતા પરંતુ, ફક્ત ૬ મહિનાની અંદર જ આ લગ્નનો અંત આવ્યો હતો. આ પછી વર્ષ ૨૦૧૧ માં સમીરે એક્ટ્રેસ નીલમ જે એક જ્વેલેરી ડીઝાઇનર પણ છે સાથે લગ્ન કર્યા હતા. વર્ષ ૨૦૧૩ માં સમીર અને નીલમ એક પુત્રીના માતા-પિતા બન્યા હતા.
રેણુકા સહાને
રેણુકા જેની સ્માઈલની દુનિયા કાયલ છે, તેની આંખો તેના મોઢા કરતા વધારે બોલકી છે. તેના પહેલા લગ્ન નિષ્ફળ ગયા હતા. પરંતુ, તેને એકટર આસુતોષ રાણા સાથે પ્રેમ થતા બીજા લગ્ન કર્યા હતા. આજે તે બે બાળકોના માતા-પિતા છે અને પોતાના જીવનમાં ખુબ જ ખુશ છે.
રોનિત રોય
જયારે રોનિતની તેના પ્રથમ લગ્નથી જન્મેલી પુત્રી માત્ર ૬ મહિનાની હતી ત્યારે જ તેમની પત્નીથી છુટ્ટા પડી ગયા હતા. આ પછી તેમણે નીલમ બોઝ સાથે કર્યા હતા. આજે ૧૫ વર્ષ પછી પણ તેઓ ખુશહાલ લાઈફ જીવે છે. તેમના લગ્નને ૧૧ વર્ષ થયા છે. તેઓ બે બાળકોના પ્રાઉડ પેરેન્ટ્સ છે.
હિતેન તેજવાની
ઘણા ઓછા લોકો જાણતા હશે કે, ગૌરી પ્રધાન હિતેનની બીજી વાઈફ છે. જી હાં, એક ઈન્ટરવ્યુમાં હિતેને આ વાત જણાવી હતી કે, પહેલા લગ્નના ૧૧ મહિનામાં જ તેમના પહેલા લગ્નનો અંત આવ્યો હતો. જ્યારબાદ તેમણે તેમની કો-સ્ટાર ગૌરી પ્રધાન સાથે લગ્ન કર્યા હતા. જે આજે એકબીજા સાથે ખુબ જ ખુશ છે.
શ્રદ્ધા નિગમ
શ્રદ્ધા નિગમ જે સોનીની ટીવી સીરીઝ 'ચૂડિયા' અને 'ક્રિશ્ના અર્જુન' માં દેખાઈ ચૂકી છે. તેમણે ટીવીના કેસેનોવા કરણ સિંહ ગ્રોવર સાથે લગ્ન કર્યા હતા. પરંતુ. આ લગ્ન લાંબા નહતા ચાલી શક્યા. બંને તલાક લઇ અલગ થયા. આ પછી શ્રદ્ધાએ મયંક જે શો 'દિલ મિલ ગયે' માં કરણ સિંહ ગ્રોવરના બેસ્ટ ફ્રેન્ડ સાથે તરીકે દેખાયા હતા તેમની સાથે લગ્ન કરી લીધા. તેમના સંબંધની શરુઆત મિત્રો તરીકે થઇ હતી. પછી તેઓ બીઝનેસ પાર્ટનર બન્યા અને પછી તેમણે વર્ષ ૨૦૧૩ માં લગ્ન કરી લીધા હતા. આજે બંને એકબીજા સાથે ખુબ જ ખુશ છે.
માનિની મિશ્રા
ફેમસ સીરીયલ 'જસ્સી જૈસી કોઈ નહીં' માં 'પરી' ના રોલથી ફેમસ એક્ટ્રેસ માનિની મિશ્રાએ મિહિર મિશ્રા સાથે બીજા સાથે લગ્ન કર્યા છે. ઘણા ઓછા લોકો જાણે છે કે, માનીનીને તેમના પહેલા લગ્નથી એક પુત્રી પણ છે. મિહિર અને માનિનીની મુલાકાત ટીવી શો સંજીવનીના સેટ પર થઇ હતી. મિહિર માનિનીનો કો-સ્ટાર હતો. એક સિંગલ મધર તરીકે માનિનીએ અનુભ્યું કે, એકલા એક પુત્રીની દેખરેખ કરવી દુનિયાનું સૌથી મુશ્કેલ કામ છે. આજે માનિની અને મિહિર એકબીજા સાથે સુંદર લાઈફ જીવી રહ્યા છે.
ગૌતમી ગડગીલ
રામ કપૂર અને ગૌતમી ગડગીલ ટેલીવીઝનના સૌથી પ્રેમાળ કપલ છે. પણ, શું તમે જાણો છો રામ સાથે લગ્ન કરતા પહેલા ગૌતમીએ કોમર્શીયલ ફોટોગ્રાફર મધુર શ્રોફ સાથે લગ્ન કર્યા હતા. પરંતુ, આ લગ્ન બહુ લાંબો સમય ન ટકી શક્યા. બંનેએ ડિવોર્સ લઇ લીધો. આ પછી ગૌતમીની રામ કપૂર સાથે 'ઘર એક મંદિર' ના સેટ્સ પર મુલાકાત થઇ હતી. બંને વચ્ચે પ્રેમ થયો અને બંને લગ્નના બંધનમાં બંધાયા. આજે બંનેને બે બાળકો છે.
સંજીવ શેઠ
સીરીયલ 'યે રિશ્તા ક્યા કહેલાતા હૈ' માં એક ખુશહાલ કપલનો રોલ પ્લે કરનારા સંજીવ શેઠ અને લતા સબરવાલ રીયલ લાઈફમાં પણ કપલ છે. પરંતુ ઘણા ઓછા લોકોને ખબર હશે કે, લતા સાથે લગ્ન કરતા પહેલા સંજીવે એક્ટ્રેસ રેશમ ટીપનીસ સાથે વર્ષ ૧૯૯૩ માં લગ્ન કર્યા હતા જેમાં તેમને એક પુત્ર પણ છે. ૧૧ વર્ષના લગ્નનો અંત કર્યા બાદ સંજીવે લતા સાથે વર્ષ ૨૦૧૦ માં લગ્ન કર્યા હતા. આજે તેઓ એક પુત્રના માતાપિતા છે.
અનુપ સોની
અનુપ સોની 'ક્રાઈમ પેટ્રોલ' મારફતે સતર્કતા ફેલાવે છે. તે ઘણા જ સજ્જન વ્યક્તિ પણ છે. એક નાટક દરમિયાન અનુપ સોની અને એક્ટ્રેસ જૂહી બબ્બરની મુલાકાત થઇ હતી જે પછીથી ફ્રેન્ડશીપ અને લગ્નમાં પરિણમી હતી. વર્ષ ૨૦૧૧ માં અનુપ અને જૂહીએ લગ્ન કર્યા હતા. આ જૂહી અને અનુપ બંનેના બીજા લગ્ન છે. આ પહેલા જૂહીએ ડાયરેકટર બિજોય નામ્બિયાર સાથે લગ્ન કર્યા હતા.
The post ફેમસ TV સેલેબ્સ જેમના પહેલા લગ્ન નિષ્ફળ, પણ બીજા લગ્નમાં આજે છે ઘણા જ ખુશ appeared first on Vishva Gujarat.