'અકિરા' એ પ્રથમ દિવસે કરી પાંચ કરોડની કમાણી
આ શુક્રવારે અભિનેત્રી સોનાક્ષી સિન્હાની મોસ્ટ અવેટેડ ફિલ્મ અકીરા રિલીઝ થઈ છે. આ ફિલ્મના રિવ્યુ ઘણા સારા છે. દર્શકો પાસેથી પણ ફિલ્મની સારી પ્રતિક્રિયા મળી છે પરંતુ પ્રથમ દિવસે આ ફિલ્મે બોક્સ ઓફિસ પર કંઈ સારી કમાણી કરી નથી. આ ફિલ્મે પ્રથમ દિવસે માત્ર પાંચ કરોડની કમાણી કરી છે. માર્કેટ એનાલિસ્ટ તરણ આદર્શે ટ્વીટ કરી તેની માહિતી આપી છે.
#Akira gathered momentum after an ordinary start... Biz picked up from evening onwards... Fri ₹ 5.15 cr. India biz.
— taran adarsh (@taran_adarsh) September 3, 2016
જો કે, આ ફિલ્મની સાથે કોઈ મોટી ફિલ્મ રિલીઝ થઈ નથી. આ કારણે એવી આશા વ્યક્ત કરવામાં આવી રહી છે કે, વિકેન્ડનો ફાયદો આ ફિલ્મને મળશે અને આ ફિલ્મ સારી કમાણી કરી લેશે.
'અકીરા' મૂવી રિવ્યુ
એક લાંબા બ્રેક પછી 'દબંગ ગર્લ' સોનાક્ષી સિન્હા દર્શકોની સામે આવી છે અને તે પણ પૂરી દબંગાઈ સાથે, જી હાં, એ.આર.મુરુગદાસની ફિલ્મ અકીરા સિનેમાઘરોમાં રિલીઝ થઈ ચૂકી છે. આ એક મહિલા કેન્દ્રિત એક્શન ડ્રામા ફિલ્મ છે અને તે તમિલ ફિલ્મની હિન્દી રીમેક છે. તો આવો જાણીએ ફિલ્મનો રિવ્યુ...
'અકીરા' મૂવી રિવ્યુ
સ્ટોરી :
ફિલ્મની સ્ટોરી એક કોલેજ ગર્લ અકીરા (સોનાક્ષી સિન્હા) ની છે જે ભ્રષ્ટ સિસ્ટમના વિરોધમાં એકલી પોતાની લડાઈ લડે છે. પોતાના અલગ વર્તાવના કારણે અકીરા અન્ય વિધાર્થીઓ સાથે એડજસ્ટ થઈ શકતી નથી અને તેને મુશ્કેલીનો સામનો કરવો પડે છે. તેનું આવું વર્તન અકીરાની માતા અને તેના ભાઈ માટે ચિંતાનું કારણ બની જાય છે અને તેઓ અકીરાને વધુ અભ્યાસ માટે જોધપુરથી મુંબઈ મોકલી દેછે. મુંબઈમાં અકીરા હોસ્ટેલમાં રહે છે, જ્યાંથી બધી મુશ્કેલીઓ શરુ થાય છે. અકીરા અચાનક જ એક ક્રાઈમ પ્લોટમાં ફસાઈ જાય છે. હવે અકીરા આ બધી મુસીબતો સામે કેવી રીતે લડે છે તે જોવા માટે તમારે ફિલ્મ જોવી પડશે.
'અકીરા' મૂવી રિવ્યુ
એક્ટિંગ :
ફિલ્મમાં સોનાક્ષી સિન્હાની એક્ટિંગ જબરદસ્ત છે. એક્શન સીન હોય કે ઈમોશનલ અકીરાના રોલમાં સોનાક્ષીએ જોરદાર એક્ટિંગ કરી છે. ફિલ્મ જોઈ તમને ખબર પડી જ જશે કે, એક્શન અને સ્ટંટ સીન્સ માટે સોનાક્ષીએ કેટલી મહેનત કરી છે. તો બીજી તરફ નેગેટીવ રોલમાં અનુરાગ કશ્યપ પણ તમારું દિલ જીતી લેશે. ફિલ્મનો ફર્સ્ટ હાફ તમને થોડો બોર કરી શકે છે પરંતુ સેકન્ડ હાફ દમદાર છે. ફિલ્મની સિનેમેટોગ્રાફી સારી છે. એક્શન સીન્સને સારી રીતે કોરિયોગ્રાફ કરવામાં આવ્યા છે.
'અકીરા' મૂવી રિવ્યુ
નિર્દેશન :
ફિલ્મની સ્ટોરી થોડી ઢીલી છે પરંતુ એ.આર.મુરુગદાસે તેને દિલચસ્પ બનાવી રાખવા માટે ખૂબ પ્રયત્ન કર્યો છે. ફિલ્મમાં ભરપૂર એક્શન છે.
'અકીરા' મૂવી રિવ્યુ
મ્યુઝિક :
ફિલ્મમાં વિશાલ-શેખરનું મ્યુઝિક છે. પરંતુ ક્યાંકને ક્યાંક ફિલ્મના સોંગે ફિલ્મની લંબાઈ વધારી દીધી છે.
'અકીરા' મૂવી રિવ્યુ
ફિલ્મ જોવી કે નહિ?
જો તમે સોનાક્ષી સિન્હાના ફેન છો અને એક્શન ફિલ્મને પસંદ કરો છો તો આ ફિલ્મ તમને ચોક્કસ ગમશે.
The post BOX OFFICE: ‘અકિરા’ એ પ્રથમ દિવસે કરી પાંચ કરોડની કમાણી appeared first on Vishva Gujarat.
