બોલિવુડ એક્ટ્રેસ આલિયા ભટ્ટ અને વરુણ ધવનની અપકમિંગ ફિલ્મ 'બદ્રીનાથ કી દુલ્હનિયા' નું ટ્રેલર લોન્ચ થઇ ગયું છે. ફિલ્મમાં બદ્રીનાથના રૂપમાં વરુણ ધવન અને વૈદેહી ત્રિવેદીનો રોલ આલિયા ભટ્ટ પ્લે કરી રહી છે. આ ફિલ્મમાં કોમેડી, રોમાંસ, ઈમોશન અને એક્શન પણ છે. આ ફિલ્મનું ટ્રેલર આજે મુંબઈમાં લોન્ચ કરવામાં આવ્યું છે. લોન્ચ ઇવેન્ટ પર કરણ જોહર સહિત આખી સ્ટાર કાસ્ટ હાજર હતી. આ લોન્ચ ઇવેન્ટ પર વરુણ ધવન અને આલિયા ભટ્ટની એન્ટ્રી બુલેટ પર થઇ હતી.
ધર્મા પ્રોડક્શનના બેનર હેઠળ બનેલ આ ફિલ્મના ડિરેકટર શશાંક ખેતાન છે. રોમાંસ અને કોમેડીથી ભરપૂર આ ફિલ્મ દર્શકોનું દિલ જીતવા માટે તૈયાર છે. ફિલ્મનું નામ સાંભળી તમે સમજી જ ગયા હશો કે, આ વર્ષ ૨૦૧૪ની હીટ ફિલ્મ 'હંપ્ટી શર્મા કી દુલ્હનિયા' ની સિકવલ છે. પરંતુ ફિલ્મની સ્ટોરી એકદમ અલગ હશે. પહેલી ફિલ્મને પણ શશાંક ખેતાને ડીરેકટ હતી.
ઉલ્લેખનીય છે કે, વરુણ ધવન અને આલિયા ભટ્ટ સ્ટારર અપકમિંગ ફિલ્મ 'બદ્રીનાથ કી દુલ્હનિયા' નું પોસ્ટર અને ટીઝર રિલીઝ થઇ ગયું છે. ફિલ્મના ટીઝરમાં વરુણ ફોટોશૂટ કરતા નજર આવી રહ્યા છે. તેનો ફોટોશૂટ જોઈ તમને ચોક્કસ હસવું આવશે. જો કે, ટીઝરમાં આલિયા નજર આવી રહી નથી પરંતુ પોસ્ટરમાં આલિયાનો લૂક વધારે સુંદર અને ક્યુટ લાગી રહ્યો છે. બંનેની જોડીને પણ દર્શકો વધારે પસંદ કરી રહ્યા છે.
The post કોમેડી અને ઈમોશન્સથી ભરપૂર ફિલ્મ ‘Badrinath Ki Dulhania’ નું ટ્રેલર રિલીઝ appeared first on Vishva Gujarat.