Baahubali 2 જોવા દર્શકોમાં કેટલી આતુરતા છે તે ઓનલાઈન ટિકિટનાં વેચાણથી સામે આવી ગયું છે. Baahubali 2 ફિલ્મે ઓનલાઈન ટિકિટ બુક કરવામાં પણ રેકોર્ડ બનાવ્યો છે. પ્રાપ્ત માહિતી મુજબ, ૨૪ કલાકમાં બાહુબલી 2 ની ૧૦ લાખ કરતા વધારે ટિકિટ બુક થઇ છે. આ પ્રમાણે આ ફિલ્મે આમિર ખાનની ફિલ્મ દંગલની ટિકિટ બુકિંગનો રેકોર્ડ પણ તોડી દીધો છે. તમને જણાવી દઈએ કે, દંગલનાં ઓપનિંગ વિકેન્ડની નજીક લગભગ ૩૫ ટકા ઓનલાઈન ટિકિટનાં માધ્યમથી કમાઈ હતી.
એક ઓનલાઈન ટિકિટ બુકિંગ કંપનીએ એક નિવેદન જારી કરી જણાવ્યું કે, બાહુબલી 2 એ ઓનલાઈન ટિકિટ બુકિંગ મામલે જૂના બધા રેકોર્ડ તોડી દીધા છે. તે વેબસાઈટનાં અહેવાલથી જ માહિતી મળી કે, ફક્ત તેની પર અત્યાર સુધી ૧૦ લાખ કરતા વધુ ટિકિટ વેચાઈ ચૂકી છે અને આ વેચાણ ફક્ત ૧ દિવસમાં થયું છે.
ઉલ્લેખનીય છે કે, બાહુબલીની અપાર સફળતા પછી લોકોને 'બાહુબલી ૨'ની આતુરતાથી રાહ જોઈ રહ્યા છે. શાનદાર સ્પેશિયલ ઈફેક્ટસની સાથે 'બાહુબલી' અત્યાર સુધીની સૌથી મોંઘી ફિલ્મ છે અને હવે એવી ખબર પણ સામે આવી રહી છે કે, બાહુબલી કરતા બાહુબલી ૨ વધારે રોચક હશે. બાહુબલી ૨ નું ટ્રેલર શાનદાર છે પરંતુ ટ્રેલર જોઈ દર્શકોને હજુ પણ આ પ્રશ્નનો ઉત્તર ના મળ્યો કે, 'કટપ્પાએ બાહુબલીને કેમ માર્યો? ટ્રેલરમાં શ્રેષ્ઠ લોકેશન્સ, વોર સીન્સ અને શાનદાર વિઝ્યુઅલ ઇફેક્ટ્સ બતાવામાં આવ્યા છે.
એવું લાગી રહ્યું છે કે, આ ફિલ્મની સાથે એક નવો રેકોર્ડ બનશે અને તેના માટે ફિલ્મની આખી ટીમ સખત મહેનત કરી છે. ફિલ્મના ડિરેક્ટરે જણાવ્યું કે, 'બાહુબલી ૨' માં નવી ટેકનીકનો શાનદાર પ્રયોગ કરવામાં આવ્યો છે. ફિલ્મમાં કેટલાક એવા પ્રોપ્સ યુઝ કરવામાં આવ્યા છે. જે જોવામાં એકદમ રિયલ લાગે છે. ફિલ્મને જોતા સમયે દર્શકોને ખબર પડશે નહિ કે, સ્ક્રીન પર દેખાતી વસ્તુ રિયલ છે કે નકલી. બાહુબલીનો બીજો ભાગ 'બાહુબલી: ધ કનક્લુજન' ૨૮ એપ્રિલે રીલીઝ થવાનો છે.
The post Baahubali 2 એ તોડ્યો દંગલનો રેકોર્ડ, ૧ દિવસમાં ૧૦ લાખથી વધુ ઓનલાઈન ટિકિટ બુક! appeared first on Vishva Gujarat.