આ વર્ષની મોસ્ટ અવેટેડ ફિલ્મ 'Baahubali 2' ગઈકાલે સિનેમાઘરોમાં રિલીઝ થઇ ગઈ છે. તેની સાથે જ ૨ વર્ષ પછી લોકોને તે પ્રશ્નનો ઉત્તર મળી ગયો કે, કટપ્પાએ Baahubali ને કેમ માર્યો? ભારતના ૬૫૦૦ સ્ક્રીન્સ પર રિલીઝ થયેલ 'બાહુબલી : ધ કનક્લુજન' ભારતીય ઈતિહાસની સૌથી મોટી ફિલ્મ બનાવવાની તૈયારી પૂર્ણ કરી લીધી છે. આ ફિલ્મ પ્રથમ દિવસની કમાણીના કેસમાં ૨૦૧૭ ની સૌથી મોટી ફિલ્મ બની છે. અત્યાર સુધી આ રેકોર્ડ શાહરૂખ ખાનની રઈસનાં નામ પર હતો. રઈસે પ્રથમ દિવસે ૨૦.૪૨ કરોડ રૂપિયાની કમાણી કરી હતી. બાહુબલી 2 એ રિલીઝ થતા જ મોટા પડદા પર બધા રેકોર્ડ તોડવાનું શરુ કરી દીધું છે. પ્રાપ્ત માહિતી મુજબ, પ્રથમ દિવસે જ આ ફિલ્મે ૧૦૦ કરોડ કરતા વધુ કમાણી કરી લીધી છે. આ રીતે બાહુબલી 2 રીલીઝનાં દિવસે જ ૧૦૦ કરોડ રૂપિયા કમાવનારી દેશની પ્રથમ ફિલ્મ બની ગઈ છે. ફિલ્મ હજુ પણ ઘણા રેકોર્ડ બ્રેક કરશે કારણકે આ તો બસ શરૂઆત છે.
ફિલ્મની સ્ટોરી ત્યાંથી શરુ થાય છે જ્યાં બાહુબલી ૧ ની સ્ટોરી પૂર્ણ થઇ હોય છે અને શિવા ઉર્ફે મહેન્દ્ર બાહુબલી (પ્રભાસ) ને કટપ્પા (સત્યરાજ) તે બતાવવાનો પ્રયત્ન કરે છે કે, અંતે મહારાજા અમરેન્દ્ર બાહુબલી (પ્રભાસ) ની હત્યા કેવી રીતે થઇ હતી. ત્યારે ફિલ્મની સ્ટોરીમાં ફલેશબેક આવી જાય છે અને તે સમયનો ઉલ્લેખ થાય છે જ્યારે માહિષ્મતિનાં સામ્રાજ્યમાં અમરેન્દ્ર બાહુબલીનો રાજ્યાભિષેક થવાનો હોય છે. પરંતુ આ વાત ભ્લ્લાલદેવ (રાણા દગ્ગુબત્તી) ને પસંદ આવતી નથી. જેના કારણે તે તેના પિતાની સાથે મળીને અમરેન્દ્ર બાહુબલીને મારવા માટેનો પ્લાન બનાવે છે. જેમાં કટપ્પાને આગળ કરી દેવામાં આવે છે અને મહારાણી શિવગામી (રામ્યા કૃષ્ણન) ને ખોટા શબ્દો બોલી તેમની સાથે વિશ્વાસઘાત કરે છે. તેની સાથે જ ફિલ્મની સ્ટોરીમાં દેવસેના(અનુષ્કા શેટ્ટી) ની એન્ટ્રી થાય છે. હવે કેવી પરિસ્થિતિઓમાં અંતગર્ત બાહુબલીનું કતલ થાય છે તે જાણવા માટે તમારે ફિલ્મ જોવી પડશે.
ફિલ્મનું ડિરેકશન અને લોકોશન્સ કમાલનાં છે. ફિલ્મની સૌથી મોટી ખાસિયત છે કે, આ સ્ટોરી પ્રથમ ભાગમાં એવી જગ્યા પર અધૂરી છોડવામાં આવી હતી કે, ત્યારબાદ લોકોને એક પ્રશ્નનો ઉત્તર જાણવાની આતુરતા હતી કે, અંતે કટપ્પાએ બાહુબલીને કેમ માર્યો? ફિલ્મ દરમિયાન તેનો ઉત્તર દિલચસ્પ રીતે જાણવા મળે છે. ફિલ્મમાં પ્રભાસ અને રાણા દગ્ગુબત્તીનું પરફોર્મન્સ ઘણું શાનદાર છે. તો બીજી તરફ, અનુષ્કા શેટ્ટી તમને વધારે સરપ્રાઈઝ કરશે. તમન્ના ભાટિયા અને સત્યરાજનું કામ પણ સહજ છે. અન્ય કિરદારોનો અભિનય પણ સારો છે.
The post Baahubali 2 નો મોટો ધમાકો, પ્રથમ દિવસે કરી ૧૦૦ કરોડની કમાણી appeared first on Vishva Gujarat.