Kapil Sharma ના જૂના ટીમ મેમ્બર સુનીલ ગ્રોવરનો આજે બર્થ ડે છે. આ અવસર પર Kapil Sharma એ સુનીલ ગ્રોવરને બર્થડે વિશ કર્યું છે. કપિલ શર્માએ સુનીલ ગ્રોવરને ટ્વીટર પર મેસેજ પોસ્ટ કરી બર્થડે વિશ કર્યું છે. ટ્વીટર પર પોસ્ટ કરવામાં આવેલ આ મેસેજમાં કપિલ શર્માએ લખ્યું છે, સુનીલ ગ્રોવર પાજી જન્મદિનની તમને શુભેચ્છા... ભગવાન તમને આ દુનિયાની બધી ખુશીઓ આપે.. ફક્ત કપિલ શર્મા જ નહિ પરંતુ ધ કપિલ શર્મા શોની મહત્વની સભ્ય સુમોના ચક્રવર્તીએ પણ સુનીલ ગ્રોવર સાથે ફોટો પોસ્ટ કરી તેમને બર્થડે વિશ કર્યું છે.
તમને જણાવી દઈએ કે, કપિલની સાથે ફ્લાઈટમાં થયેલ ઝઘડા બાદ સુનીલ ગ્રોવર એટલા દુઃખી થયા કે, તેમણે શૂટિંગમાં આવવાનું બંધ કરી દીધું હતું. સુનીલ ગ્રોવરે જ્યારથી કપિલ શર્માનો શો છોડ્યો છે ત્યારથી તે મીડિયામાંથી ગાયબ છે. તેમના ફેંસે તેમને શોમાં પરત આવવા માટે ઘણી વિનંતી કરી રહ્યા છે. ત્યાં સુધી કે, રિશી કપૂર અને નવજોત સિંહ સિદ્ધુએ પણ સુનીલને શોમાં પરત આવવાની આજીજી કરી હતી પરંતુ તેમણે આ પ્રશ્નનો ઉત્તર આપ્યો નહિ.
ઘણા સમયથી ખબર આવી રહી હતી કે, સુનીલ ગ્રોવરનાં ગયા પછીથી 'ધ કપિલ શર્મા શો' ની ટીઆરપી ઘણી ઘટી ગઈ છે. પરંતુ મીડિયા સૂત્રો પ્રમાણે કહેવામાં આવી રહ્યું છે કે, જ્યારથી ભારતી સિંહ અને ચંદન પ્રભાકરે શોમાં એન્ટ્રી લીધી છે, ત્યારથી આ શો ની ટીઆરપી ફરીથી વધી છે. ખાસ વાત એ છે કે, કપિલ શર્માનો શો ફરીથી ટોપ ૧૦ રેંકિંગમાં પરત આવી ગયો છે.
The post Kapil Sharma એ કંઇક આ રીતે સુનીલ ગ્રોવરને કર્યું બર્થડે વિશ appeared first on Vishva Gujarat.